پەیامی پارێزەرانی ڕۆژهەلاتی کوردستان
بە بۆنەی کۆچی دوایی پێشمەرگەی ماندوویی نەناس و تێکۆشەری بە ئەزموون ڕەسووڵ
لیلانەیی
ئەمڕۆ خەبەری دڵهەژێنی پێشمەرگەی قارەمان و تێکۆشەری بە ئەزموون کاکە
رەسووڵ لیلانەییمان پێگەیشت. ئەم هەواڵە بووە مایەی غەم و پەژارەی پارێزەرانی
ڕۆژهەلاتی کوردستان بە گشتی، بە تایبەت ئەو ڕۆڵە نیشتمانپارێزانە کە هاوینی
ڕابردوو لە نزیکەوە و شانبەشانی ئەو مرۆڤە
خەباتکارە و هاوڕێیانی پێشمەرگەی، ئەرکە نیشتمانی و شۆڕشگێڕانەکانیان لە ناوچەی
سەردەشت بەڕێوە برد . تێکۆشەرانی نێوخۆی ڕۆژهەڵاتی کوردستان کەساڵانێکی زۆر
شانازیی هاوسەنگەری وهاوکاری لە گەڵ ئەو خەباتکارە
ناسراو و لێهاتووەیان هەیە، هیچ کات هێمنی، ورەبەرزی و بڕواپتەویی
ڕەسووڵ لیلانەیی لە بیر نابەنەوە و لە خەبات و تێکۆشانی لەمەودوای خۆیان دا، ئەو
کەسایەتییە شۆڕشگێڕە دەکەن بە سەرمەشقی خۆیان.
لە قووڵایی دڵمانەوە سەرەخۆشی لە بنەماڵەی رەسووڵ لیلانەیی شۆڕشگێڕ و
هاوسەنگەرانی پێشمەرگەی و سەرجەم خەڵکی کوردستان دەکەین. نەتەوەکەشمان لە ڕۆژهەڵاتی
کوردستان دڵنیا دەکەینەوە کە ناهێڵین مەشخەڵ و ئاڵای دەستی شەهیدان و نەمرانی وەک
هەژار قاسمی وڕەسووڵ لیلانەیی بکەوێتە سەر ئەرز و یادی ئەوان بە چالاکییەکانمان بەرز و زیندوو
رادەگرین. هەر لەو کاتەش دا هەموو لاوە بە هەڵوێستەکانی کوردستان بانگەواز دەکەین
بۆ پەیوەستبوون بە پارێزەرانی ڕۆژهەلاتی کوردستان بۆ ئەوەی درێژەدەر و تەواوکەری
ئەرکە شۆڕشگێڕانەکانی ڕەسووڵ لیلانەییەکان، هەژار قاسمییەکان، محەممەد نەدیمییەکان،
هەمزە سارتکەییان و هەموو پێشمەرگە قارەمانەکانی کوردستان لە نێوخۆی ڕۆژهەلاتی
نیشتمانەکەمان بین.
بەردەوامی بۆ ڕێگای پڕشانازیی ڕەسووڵ
لیلانەیی و بەرقەرار بێ ئامانجی رزگاریی کورد و کوردستان.
وتەبێژێک بە ناوی پاریزەرانی ڕۆژهەڵاتی کوردستانەوە
١٧ی خەزەڵوەری ٢٧١٤ی کوردی
٨ /١١/٢٧١٤ی زایینی
