لە ناوچەی ڕەبەت ڕۆلەکانی گەڵ دەستیان لە هێزە سەرکوتکەرەکانی کۆماری ئیسلامی وەشاند
ئەمرۆ دوو شەممە لە کاتێک دا ماشێنێکی سی ئێفی پڕلە جاش و پاسدار کە دۆشکەیەکیشی لە سەر بوو، لە دۆڵی شندڕە شەمۆڵە بەرەو شاری ڕەبەت دەگەڕایەوە. دەوروبەری ١ی نیوەڕ، کەوتە بەر دەسڕێژی ڕۆڵەکانی گەڵ. لە گەڵ تەقینەوەی یەکەم گوللەی ئارپی جیی، ماشێنە کە لە کار کەوت و بە دوای ئەوە دا دەسرێژی گوللە لە لایەن ڕۆڵەکانی گەلەوە بە سەر جاش و پاسدارەکان دا باری.
لە ئاکامی دەسڕێژی تۆڵەستێنانی خوێنی شەهیدان، پینج کەس لە کۆی سەرنشینانی ئەو ماشێنە بریندار بوون کە برینی هێندیکیان سەختە. ئێحسان رەزازادە کە پاسدارە، یەک لە بریندارەکانە. هەر وەها جاشێکی سەردەشتی بە ناوی ڕەزا لە نیو بریندارەکان دا هەیە.
بڵاو بوونەوەی هەواڵی ئەم دەستوەشاندنەی لاوە نیشتمانپاریزەکانی ڕۆژهەلاتی کوردستان، بووە بە مایە خۆشحالێیی خەڵك.
