بۆ تازە
ترین گیانبەختکردوی ڕۆژهەڵات هەژار قاسمی.
ئیبراهیم کۆنهپۆشی- ئۆسلۆ
گیان لەدەست دانی هەژار قاسمی بێشک بۆ هەمومان جێگای داخ و پەژارەیە. بۆیە
سەرەتا لە بنەماڵەی، دۆستانی و هەمو تێکۆشەرانی دیموکرات و هاوسەنگەرانی پڕ بەدڵ سەرە
خۆشی ئەکەم و لە ناخی دڵمەوە خۆم بە شەریکی خەم ئەزانم.
ئەمڕۆ ئەو هەواڵەم بیست، تەزاندمی، بۆ ئەبێ سادە ترین داواکاری ئێمە بە خوێنی
گەنجان و جلی ڕەشی بنەماڵەکان واژۆ بکرێت؟ بۆ ئەبێ داری ئازادی و ڕزگاری لە وڵاتی ئێمە
تینوی خوێنی لاوەکانمان بێت؟ بۆ ئەبێ فرمێسکی شیوەن و هەناسەی سارد و کزەی سووتانی
جەرگەکان و لە دەست دانی ژیان، دەسە پارەی خەرمانی شۆڕشێکی ئینسانی بێت لە وڵاتە نغرۆکراوەکەی
ئێمە؟ بۆ ئەبی و دەیان بۆ ئەبێی دیکە.
هەژار و هەژارەکانی دیکە، هەموان موڵک و ڕۆڵەی هەمو گەلی کورد و ئازیز و کەس
و کاری هەمو ئازادیخوازێکی ڕاستەقینەن بە هەر ڕوانگەیەکەوە. هەژار نەمردوە و نامرێت،
هەژار ئینسانێکە کە ژیانی کرد بە ورە و تێکۆشان و تێکۆشانی کردە مشخەڵ و لە تاریکەشەوی
نەهامەتیدا دایە دەستی هاوزنجیرەکانی، دایە دەستی هاو چارەنووسەکانی، هەژار چرای ڕووناکی
دەستی هەژارانی کوردستانە. لە دڵماندایە و بە زیندوویی ئەمێنێتەوە.
هەژار نەمردوە. مردو ئەوکەسانەن کە خۆیان و مافەکانیان و شۆڕشیان لە بیر کردوە،
مردو ئەوکەسانەن کە هەمو قوربانی و گیانبازی هەژار و هەژارەکان بێ بایەخ ئەکەن، مردو
ئەو خۆ فرۆشانەن کە ویژدان و کەرامەت و مرۆڤایەتییان بە هەندێک خۆشی و سەروەتی کاتی
فرۆشت، هەژار زیندوە و هەر دڵۆپ خوێنی هەژار خاڵێکە لە سەر ئاڵای ئاواتەکانمان و ئەو
ئاڵایەی کە بە خوێنی هەژار و هەزاران گیانبەختکردوی دیکە خوێنین بوە، لە سەر شانمان
بەرز و شەکاوە ڕا ئەگرین.
یادی هەژار بەرز و ڕێگای پڕ لە ڕێبواری ڕاستەقینە بێت
بە هیوای هاتنە دی ئاواتەکانی هەژار و هەمو گیانبەختکردوانی ڕێبازی ئازادی.
(له فهیسبووکی نووسهر وهرگیراوه)
هیچ نظری موجود نیست:
ارسال یک نظر